Friday, 25 November 2011

LIGHT A LAMP FOR IT IS THE DARK HOUR.: The URDU story.

LIGHT A LAMP FOR IT IS THE DARK HOUR.: The URDU story.: 2 hour pharmacology parh parh k sar tw kya demagh ki sharyanain bhi dard sy phat’ny ko thein.. aik lambi sans bhar kar kitab band karny k s...

The URDU story.


2 hour pharmacology parh parh k sar tw kya demagh ki sharyanain bhi dard sy phat’ny ko thein.. aik lambi sans bhar kar kitab band karny k sath sath ankhain bhi band kar lien or sar ko hathon mai tham leya..
“ abhi bhtt kuch parhna baki hai, aj 2 chapter pory karny hain har haal mai , abhi aj ka target pora nahe howa “
 isi qisam k khayalat k sath sath aik awaz bhi demagh mai goonj rahe the
“tmhy distinction laina hai yaad hai na?”
 or ye baat yaad atay hai jesay rocket lag gaya ho, aik dam jism ko current sa laga, bhagam bhag kitchen mai puhnchi aur jhat say coffee banai, coffee ko desi karnay k liye dher sara dood aur cheeni dali aur t.v on kar k baith gai
“hain , par wo parhai …wo rocket ..wo kahan gaya?”
“parhai kamray mai aur rocket hawa mai urr gaya…aur kal say ..kal say pakka parhu gi”
Ki soch k sath t.v on kar lia…
“hunh wohi rona petna..”
Channel change
“yahan b wohi bak bak …bak bak ..” channel change
“kia bullshit hai ”….channel change …
Akhir meray kabbi karbar chalnay walay remote ki himmat khatam hoo gai aur aik bila akhir talash ki iss jastajo ko morning show ki repeat telecast par break lag gay. humary dramon ka jana mana hero, aur sath mai aik cheh^kti howe host, set pe mojod sofa par nahe balky set k floor par bichi aik chadar par baithy thy, female host ny shalwar qameez, or sar par (mojzati tor par) dopata orha howa tha, hathon or balon mai phool thy. Co-male host ny chori daar pajama or shairwani or sar par jinah cap ki tarha ki topi pehni howe the. Unky samny pan daan rakha tha, or hasb-e-riwayat-e-morning shows wo dono chae k cup ko pakry howy hony ky bajaey, maloom hota tha, sonf kha rahy hain.
“ nazreen aj hum English, oh.. English nahe angraizi.. ka koi bhi lafz istimal nahe karain gy. Aj humara pora program urdu zaban ki khidmat mai paish hai.”
Larki nay cheh^ktay kaha.
 “ or apny aj k mehmano ka taruf karany sy pehly hum lain gy aik chota sa break, ohh nahe break nahe.. (male host nay jumla adha chor kar female host ko mukhatib keya) “yaar break ko kya kahain gy urdu mai?”
“ Khair nazreen abhi aik BREAK he laity hain or os doran sochty hain.”
 chonky recorded telecast the break aya nahe or program 5sec k baad he dobara start hogaya.
Female host sahiba phir goya howein, khushamadeed nazreen, ab mai apka taruf karwati hun humary aj k mehmanon sy.. Humaray aj k guests hain janab AMJAD ISLAM AMJAD sahib, or SABRI sahib, ye dono he urdu k aik maya naaz shair hain in ky urdu zuban par bht ehsanat hain. Hum shukar guzar hain apny in moaziz mehmanon kay, k inho ny humara dawat nama tasleem keya. bech mai awaz i.. “BETA DAWAT NAMA TASLEEM NAHE QUBOOL KEYA JATA HAI” ye amjad islam amjad sahib boly thy.. bai sakhta mera aik qehqaha buland hogaya.. program waqae refreshing tha, coffee k choty choty ghoont bharty howy daikhti rahe. Ab wo dono hosts, mehmanon sy unka intro ly rahy thy. K achanak.. dobara BREAK ka time agaya.. or phir.. male host sahib ny irshad farmaya, “ap kaheen mat jaeye ga, HUM LAIN GY AIK BAZARI WAQFA, aik choty sy BAZARI WAQFY k baad hum wapis aty hain.”
Or phir is program k moaziz mehmaon k chehry daikh k mjhy aik bar phir besakhta hansi agae.. par 2 second k baad he, hansi ki jaga aik ajeeb si qafeyat ny ly li.. shayad wo dukh tha, ya shayad sharmindge.. os qaifyaat ko mai sahe naam nahe dy saki..
coffee ka mug khaili ho chukka tha main ny t.v band kardeya.. t.v lounge sy apny room tak ka fasila tay karty howy mai yehe sochti rahe, k kisi ki far far English bolny sy hum mutasir tw foran hojaty hain par jab koi urdu achi boly tab hum mutasir hony k bajaey hum osy aj k dour ki zururiyat ki ehmiyat sy na wakif kiun samjhty hain? Agar koi English grammar, pronunciation ya spelling ki ghalti kary tw hum osy jahil samjhty hain par yehe harqat agar urdu zaban k sath ki jaey tw hum osy bura khayal tak nahe karty k ye tw aj k parhy likhon ki nisahani ban chuki hai.
Wo qoum jiska khud ka mazi har lehaz sy itna tabnaak aur mutasir kun tha wo aj dosron ki zaban or saqafat sy mutasir kiun hogae hai? sakafat tw dour ki baat wo qoum jo apni QOUMI ZABAN ki ehmiyat, hurmat or qadar sy na waqif ho wo INQILAB ki batain karti achi nahe lagti, or wo qoum jo apni QOUMI ZABAN ko he sekh or samajh na paey wo agar aj azadi k 64 saal guzar jany k bawajud bhi TARAQI PAZEER hai , tw is mai hairat ki gunjaish baki reh he nahe jati.
mai apni study table tak aa chuki the, pharmacology ki book dobara khol li, aur parhay likhu ki race mai shamil honay ki dore mai phir say lag gai”.


Written by: Syeda Malika Haider
Edited by: Muhammad Abdullah Afzal

Monday, 21 November 2011

GADHA KON ?



Sir oth jain , 6:30 bj rahay hain …
Hmm acha thek hai, 5 min k bd ana
Sir ..sir…oth jain 6:35 ho rahay hain….
Hmm acha thek hai 10 min k baad ana …
Ye mera roz ka mamool hai. Abi subah ki azan k liye moulvi bistar say nikalta nae hai k meray damage k kisi konay mai aik ajib sa khof taari hoo jata hai. Dil ki darkhan ahista ahista tez ho jati hai, mathay par shikan par jatay hain aur naak thori oper ko charh jati hai, Zehan k kisi konay say koi awaz day raha hota hai ….
“abi aya abi aya ..”
Aur phir wo a jata hai
“Sir oth jain , 6:30 ho rahay hain”
Apnay buddy ki ye awaz mje boht na-guwar guzarti hai. Yun mehsos hota hai k dore kisi gao ki hari bhari faslo^n k beach mai aur chandi laitay taray gin rahay hun aur achanak khareb ki jhari say awaz ae
“dhee^nchu ……dheeen^nchu”
Aur phir chandi mu bana kar ye keh kar chali jati hai
“akhir ye ghada roz yahan kuon a jata hai”
Aaj subah b yahi howa…abi mai chandi k hath b thek say thaam nae paya tha k awaz ai
“Sir oth jain,6:30 ho rahay hain”
“hunh gadha” chandi ki awaz ai
Maine ankhain kholay begair ye keh kar soti chali di
“hmmm acha thek hai, 5 min baad ana”
Wo bechara pata nae kitni bar aya aur mai har bar soti say osay haa^nk deta aur 5 min baad ana ka hukam sadir kar deta
Bila akhir 7 bj gaye… aur phir goya aik dam mai fast track mai aa gaya …bhagam bhag shave, brush, dress change, jotay ….aur akhir mai baray aram aur nafasat say baal banae.
Abi office ki 1970 k zamany ki kursi par thek tarha say baitha b nae tha k boss ki awaz ai
“Abdullah hurry up, see me in my office”
“yes sir, just coming ”
Office mai dakhil hotay hi zannatay dar salute mara, abi hath gira nae tha k boss ki awazz ai
“can u come after 5 min, am on a call with the commandant”
“yes sir, no problem”
“hunh, gadha”
“Sir ap nay mj say kuch kaha”
“nae nae..just see me after 5 min ”
Aur dil hi dil mai boss ki pori nasal par darood bhejta howa wapis apni kursi par a gaya
Aur 5 min baad phir wohi boss ki sooti …aur main !!
Allah Allah kar k sham k 4 bje gadhay aur sooti ka ye khel khatam howa. Apni pori school life mai, chutti ki ghanti bajnay par mai kabbi nae bhaga tha aur ye kasar mai ab bari dil joi say pori kar raha tha. Parking tak ka rasta takreeban bhagtay howay tay kia, andar hi andar dil ko ye samjhata raha
“peechay mur kar mat dekhna warna gadhay ban jao gay”
Unit k gate say nikaltay hi dil ko kuch sakoon howa. Aur ghar kareeb atay hi  dil ki dharkan phir say normal ho gai. main road say service lane par gari pori tarha say muri nae thi k samnay ka manzir dekh kar mera dil kuch baith say gaya.
Bijli k khambay k sath aik masoom aur lachar say gadha bandha, intehai be-chargi say mera mu dekh rha tha.
“bechara pora din malik k agay agay hota hai, thora say halka howa nae aur kamar par ye sooti pari, aur gadha phir say tagram tagram…tagram tagram..”
Maine kuch der oski ankhu mai dekha tu yu^n mehsos howa jesay wo mj say kuch keh raha hoo…
Oski ankhu^n mai mje apnay liye ajib hamdardi mehsos howi ….aur iss hamdardi ke pechay do lafz
“bechara gadha…”
Laa hao laa …mai ghussay say lal peela hoo gaya …
Aik kehar aalood nazar oss GADHAY par dali aur ye bol kar agay bhar gaya
“chal hatt tu gadha”


NOTE:  The article revolves around the life of a common man, reflects what a busy life of today is like, we all are running, our preset goals are like SOOTI”s , the moment we slow down , the fear of losing strikes our back and there we are again ….tagram tagram …! Understand the real purpose of life, cherish it , enjoy every moment of it, for  there is no second life.