Sunday, 2 February 2014

KHUDA KI REHMAT.

Wo is waqat apni ammi k sath sham ki chae penay k leye apny ghar k wasee lawn mai pari lakriyon ki kursi pe baithe the.. Green tea ki chuskiyan laity wo agy pechay bhagti batakhon ko daikty howy sana baji ki batein sun rahe the. jo osky ghar k peechay bany quarters mai sy aik mai, kiraey pe rehti thein. Or abhi oski ammi k samny kursi pe baithi, goud mai 9 maheay ki choti or bai had pyari bachi leye, apny ghar or poray mohallay ki kahaniyan bata rahe the.

“bas baji.. shairoo aisa he hai. Osko sharam ati hai isko goud mai laity’’

Os ny apni bachi ki taraf ishara kar k kaha.

 ‘kiun?’ ammi ny sawal keya tha.

“wo kehta hai mard achay nahe lagty baitiyon ko goud mai lai k phirtay howy, beta ho tw baap fakhar sy goud mai uthaey, bahar lai jaey. larki zaat ko goud mai uthana mard ki shaan k khilaf hai. Bas baji isi leye isko goud mai nahe laita, osko sharam ati hai.” Sana baji ny baray normal andaz mai jawab deya.

Kya? Osko laga osky kan’on ny ghalat suna hai. 
osny sana baji ki taraf hairat sy daikha. 
‘tw paida karty sharam nahe ati?’ 
Sana baji hans pari. ‘nahe choti baji, os mai nahe ati.’

Osny 9 maheenay ki savera ko daikha. Gori si, Gulabi mootay mootay galoon wali bai had masoom or cute bachi. isko goud mai lainy sy ‘koi bhi’ kaisy mana kar sakta hai?

Osky samny Altaf bhai or seema baji ka chehra aya, jo pechlay 9 saal sy oulad hony ki manatain maan rahy hain.

Osky samny oski choti khala k chehra aya jo masha Allah sy 8 baiton ki maa hain par baiti k leye tarpa karti thein.

Osko apny behnoi yaad aey, jinko baitay sy zyada baiti ki khowahish the.

Phir os ny os rasool k baray mai socha jo dunya k sab sy azeem mard thy laikin sirf baitiyon k baap thy. Jo khray ho kar apni baiti ka istaqbaal karty thy. Apni jaga khali kar k baiti ko bithatay thy.

Os ny wapis savera ko daikha jo pata nahe kis baat pe or kis ko daikhty howy apni toothless smile dai rahe the. Afsoos sy oska dimagh sun tha. Hum aaj bhi osi jahalat k dour ka hisa hain. Na jany kitny shairoo hain jo baiti ki paidaish bais e sharam or shaan k khilaaf samajhty hain. Ab bhi na janay kitny log hain jo baiti ko paida hoty he maar daity hain. Na janay ye umat kis mun sy os rasool k samny jaey gi, jis ny ratoon ko ro ro k is umat ki maghfirat ki duaen ki thein.

Wo wahan sy uth k ghar mai agae. Apni har mushkil har takleef choti lag rahe the. Mai kitni naa shukri

hun.. osny sharmindagi sy socha.

‘Beta koi paryshani hai?’ abu ny oska chehra daikh k fikar sy pocha.

'nahe mai sar hilaty howy oski ankhon mai shukar k ansoo aey thy.

No comments:

Post a Comment