Saturday, 10 December 2011

IK AAM SA TEACHER.


WRITTEN BY: MALIKA HAIDER




‘Ajeeb jahil admi ho tum.. aik cheez hazar baar samjhao tab bhi paly nahe parti tumhary, dimagh mai bhosa bhara hai kya? baap ki kamai haram ki hai jo aisy luta rahy ho itny mahangy institute mai admission ly k..’
 mai ny choonk k glass wall sy nazar hata k is awaz ki simt daikha..
 aik 37-38 saal k hazrat apny samny baity 16-17 saal k bachy sy mukhatib thy.. un k samny books or note pad khuly howy thy.. wo sahab ghalban teacher or wo bacha student tha.
mai dunkin donut ki Clifton branch mai pechly 37min sy baithi 4 bajny ka wait karahe the.  Yahan aksar log meeting, group discussion, assignment completion etc k leye aty hain..
 Wo bacha nazrain book pe jamaey, apny balon mai hath phirta raha.. os ny nazar utha k apny sir ko daikha na he jawaban koi argument paish keya.. par aik baat jo main ny mehsoos ki, Osky chehry par apni ghalti ki waja sy nadamat k tw koi aasa’ar nahe thy albata achi khasi unchi awaz mai ki gae izzat afzai (jis ny kafi logon ki tawaju bhi apni taraf malboz karwa li the) ki waja sy sharmindagi ky asaar zurur thy.. sir ny note book ko apny aagy sy utha kar os bachy k samny patkha..
‘uthao isy or odhar ja k baitho.. mai ab apna sar dobara nahe khapaun ga explain karny mai.. odahar baitho or apna demagh istimal karo or issy samajhny ki koshish karo’
 bachy ny note book uthai or ja k dosri table pe baith gaya. mai kafi hairaan howe... Kya is kirdar ko teacher is zaban ko islah or is andaz ko pairwari k qabil kaha ja sakta hai? Teacher tw role model howa karty hain. Par shayad aj k dour mai bhtt si chezoon or lafzon ki tarha ‘teacher’ k mai’ny bhi badal gaey hain.. schooling system business or teaching, occupation ban chukka hai. Humaray schools ratu tootay, colleges bunkers or universities couples manufacture karny lage hain. parwarish or grooming maqsad nahe paisa kamana maqsad ban chuka hai.. jab aik ustad apny shageerd sy is andaz sy baat kary ga tw ap tawaqo bhi kaisy karsakty hain k wo jawaban apny ustad ya kisi bhi bary sy tameez sy baat kary ga. Or samny shayad wo majboran izat dainy ki acting kar bhi ly par dil mai or peeth pechy wo kbhi ap ko izzat nahe dy ga.. . Kiun k bachy baron sy he seekhty hain … par sitam ye hai k humari mojuda nasal apny inhe baron ki zubani ,, batameez, mun phat, ikhlakiyaat sy aari, waldain ustad or baron ki na farman kehlati hai.
Kiun?
Shayad is leye k apny aamal-o-kirdar pe nazar sani karny ki fursat unhy mayasar nahe.
aenda nasal k qirdar-o-ikhlakiyat pe tanqeed sy pehly baron ko apny andaz o ikhlaaq ki taseeh karni chahye.. kiun k ye mumkin nahe k ap beej tw karaily ka lagaien par umeed ye karain k ugny wali bail par meethy angoor lagain gy..





2 comments:

  1. Malika!! Omg, Lady, You're doing a reallly good job :)

    ReplyDelete
  2. Big shot in a small inning in a sudden come back! :P

    ReplyDelete